Руски дописник од Сирија: „Одиме на Палмира“

Новинарот Олег Блохин кој во моментов се наоѓа со регуларната сириска војска, напиша на својот „Фејсбук“ профил дека почнала офанзива на древниот град, кој минатата пролет беше ослободен, а потоа повторно заземен од терористите на „Исламската држава“, пишува сајтот defence.ru. 

Палмира е во рацете на ИДИЛ: стратешки пораз или тактички пропуст?

„Одиме во Палмира, браќа“, напиша тој на својот профил на „Фејсбук“.

Сириските владини сили завчера ја зазедоа висорамнината чија контрола претходно овозможи, како што наведува сајтот, терористите да почнат да се повлекуваат од Палмира. Во декември минатата година токму губењето на тие позиции значеше пораз за Сиријците.

Блохин исто така објави фотографии на кои се гледа техниката на јуришните единици, како што се тенкот Т-62 со зајакната оклопна заштита за куполата („Веѓите на Брежнев“), испорачана со „Сириски експрес“ од Русија, пишува сајтот.