Во Астана почна третата рунда преговори за Сирија

Се очекува серија билатерални и трилатерални консултации. Во моментов е во тек средбата на руската делегација предводена од специјалниот претставник на претседателот на РФ Александар Лаврентјев со претставниците на ООН на чело со Милош Стругар.

Путин: преговорите во Астана се темел за средбата во Женева

Делегацијата на САД е предводена од амбасадорот во Казахстан Џорџ Крол и претставник од Вашингтон. Турција и Иран се претставени на ниво на заменици-министри.

Како што соопшти министерот за надворешни работи на Казахстан Кајрат Абдрахманов, денеска се очекува да пристигне делегација на вооружената опозициска група од Сирија „Јужен фронт“.

На средбата во Астана, според него, ќе бидат дискутирани прашања за формирање работна група за размена на заробеници и деминирање на хуманитарните објекти, пренесува „Лента.ру“.