Зјуганов објасни зошто Западот ја мрази Русија

„Во Европа омразата спрема Русија постоела со векови, а нејзините идејни извори треба да се бараат во расколот на христијанството на католичка и православна црква“, изјави Зјуганов, говорејќи на пленумот на КПРФ, посветен на борбата со антисоветизмот и русофобијата, пренесува РИА „Новости“.

Претходно, зборувајќи за претстојниот пленум, лидерот на комунистите повика „да им се даде отпор на сите русофоби и антисоветчици кои исползија од сите дупки“. Според него, токму русофобијата и антисоветизмот беа причина за распадот на СССР, а сега ѝ се закануваат на Русија.

Со слични изјави Зјуганов настапува постојано. На почетокот на 2016 година тој повика да се донесе официјална резолуција „против русофобијата и антисоветизмот“.

Зошто Русија и Западот сè помалку се разбираат?