Турциjа постигна согласност со Русија за С-400

Турција и Русија постигнаа согласност за прашањето околу набавка на системите С-400 и водат преговори за цената и заедничкото производство, изјави шефот на МНР на Турција Мевлут Чавушоглу.

„Ги продолжуваме преговорите за сите прашања поврзани со С-400, вклучително и за заедничкото производство и цената. Принципиелно се договоривме, но за техничките прашање ништо не можам да кажам“, го цитира министерот весникот „Милиет“.

Ќе може ли Русија да ѝ испорача на Турција С-400?

Чавушоглу исто така додаде дека Турција ќе го купи руските противвоздушен систем затоа што нејзе ѝ е „потребно да ги зајакнува своите капацитети на ПВО“. Зборувајќи за опциите за купување на системи за ПВО од земји-членки на НАТО, министерот рече дека Турција „би сакала да ги купи од НАТО, но тие не демонстрираа движење во таа насока“.

Претходно министерот за национална безбедност на Турција Фикри Ишик изјави дека „работата за С-400 ја достигна финалната фаза, но тоа не значи дека утре ќе биде потпишан договорот“, пренесува ТАСС.