Kwayan Taramol ta ingiza wani matashi ya kashe mahaifansa da kannensa (hotuna)

Kakakin rundunar, Mataimakin Sufuritanda Toyin Joshua da wasu mazauna birnin, wadanda suka tattabar da aukuwar lamarin, sun ce matashin, mai suna Adamu Magaji Abdullahi, ya kashe mahaifinsa, Malam Abdullahi da mahaifiyarsa Hafsa da kuma ƙannensa mata biyu, Zainab da Aisha ranar Litinin da daddare da misalin sha daya.

KU KARANTA KUMA: Uwargidan gwamnan jihar Ogun ta maganta kan Musulunci

Bincike ya nuna cewa ana dab da auren daya daga cikin kannen nasa da ya kashe, domin bai wuce mako daya ba a daura auren. Wani jami’i mai hudda da jama’ar ‘yan sandan ya kara da cewa matashin ya kashe mutanen ne ta hanyar amfani da shebir, kuma binciken farko ya nuna cewa ya sha kwayar Tramol ne.

A cewarsa, tuni aka binne mutanen da matashin ya kashe, sannan za a gurfanar da shi a gaban kuliya da zarar an kammala bincike. Tun dai aka yi jana’izarsu a safiyar yau da misalin karfe tara.

Ga hotunan jana’izar mamatan da aka gudanar a safiya yau, Talata, 17 ga watan Mayu a kasa:

A yayin sallar jana’aiza

Mutane suna da yawa

Kafin an fara Sallar janai’aza

Wani Limami inda yake yi addu’a da gawan a gabansa