Oshiomhole ya sha alwashin kama ‘yan PDP

Gwamnan jihar Edo ya alwashin ci gaba da tsare ‘yan PDP a jiha, yana kuma mai cewa babu wanda ya karfin doka a jihar

Gwamnan jihar Edo Adams Oshiomhole na jihar Edo ya sha alwashin ci gaba da tsare karin wasu ‘yan jam’iyyar PDP da kuma hukuntasu a muddin suka ci gaba da karya doka.

A cewar jaridar The Nation, gwamnan ya yi wannan furuci ne a wani taron matasa daga karamar hukumar Ovia, wadanda suka je gidan gwamnati domin nuna amicewarsu da takarar Godwin Obaseki a karkashin jam’iyyar APCa  zaben da za’a gudanar a jihar a watan gobe.

Gwamnan na Edo wanda ya ke mayar da martani ga barazanar da ‘yan jam’iyyar PDP ke yi na gudanar da  zanga-zanga sakamakon tsare wasu ‘yan jam’iyyar su 13 da gwamnatin jihar ta yi, PDP ta ce ba za ta yaradada mulkin mulaka’u ba a jihar.

KU KARANTA: Minista ya gargadi gwamnonin kan batun ‘yan kwadago

Jaridar ta rawaito gwamnan na cewa, “Kana bukatar karfin hali don yin maganin bangaranci. Muddin ina kan mulki to, babu sani babu sabo ta fuskar taka doka”,  Sannan ya kara da cewa, ‘yan adawan sun tare wata mota mai dauke da turakun wutar lantarki wanda za a yi aikin sa wa a wata karamar hukuma, ‘yan PDP a cewarsa, sun kori direban motar sannan kuma sun farwa daya daga cikin kwamishinonin jihar, don haka ba zai kyale ba.

Oshiomhole ya ce an gurfanar da wadanda suka aikata wannan aika-aika zuwa kotu, kuma za a cigaba da tsare su.

The post Oshiomhole ya sha alwashin kama ‘yan PDP appeared first on Nigeria News today & Breaking news | Read Naij.com 24/7.