Noreg vann siste kamp i Paralympics

Noreg storspelte mot Storbritannia i Paralympics og vann 9-2.

Noregs curlinglag hamna bakpå i starten, men henta seg fort inn att.

Etter den fjerde omgangen leia dei 3-2. I femte omgangen fekk Noreg tre nye poeng.

– Når dei spelar så bra som dei gjer no, så er det synd dei ikkje skal spele vidare, sa NRKs ekspert Pia Trulsen.

Laget til Storbritannia gav seg etter seks omgangar spelt.

Noreg har vunne dei fire siste kampane i curlingturneringa, men det heldt ikkje til spel vidare i Paralympics.