Fire nordmenn til kvartfinalar i Klæbo sitt fråvær

Fire norske tok seg vidare i kvalifiseringa til sprinten i Lake Placid i USA.

Franske Lucas Chanavat gjekk raskast i Johannes Høsflot Klæbo sitt fråvær, medan italienske Federico Pellegrino gjekk inn til ein andreplass i sin aller siste sprintprolog i karrieren.

Lars Heggen var beste nordmann på ein tredjeplass.

Også Even Northug, Ansgar Evensen og Harald Østberg Amundsen klarte å kvalifisere seg til kvartfinalar.

– Eg synest det var bra. Det kjennest bra ut i dag, sa Northug til Viaplay etter kvalifiseringa.

Amundsen på si side hadde ein litt tyngre prolog.

– Eg rota litt. Det er litt vanskelege forhold. Mange gjekk fort, sa Amundsen som hamna litt lengre ned på lista.

Mattis Stenshagen, Andreas Fjorden Ree og Even Michelsen tok seg ikkje vidare.