Kane og Diaz straffa Real Madrid – gav Bayern draumeutgangspunkt i kvartfinalen i Meisterligaen

Bayern München sjokkerte Real Madrid på bortebane i den første kvartfinalen i Meisterligaen tysdag.

Tyskarane dominerte frå start, og etter 41 minutt trilla Luis Díaz inn 0–1.

Etter pausen trengte Harry Kane berre 20 sekund for å doble leiinga. Han skåra frå 20 meter. No står engelskmannen med 49 mål på 41 kampar denne sesongen.

Det mestvinnande laget i turneringas historie måtte ta seg saman for å vere med i kampen om ein semifinale i Meisterligaen.

Etter 70 minutt klarte Kylian Mbappé endeleg å skåre for heimelaget. Han var nådelaus då han fekk sjansen han hadde venta på i over ein time. Han sette inn 1-2.

Trass i at heimelaget vakna mot slutten, heldt Bayern München ut. Dermed har det tyske storlaget eit svært godt utgangspunkt før returoppgjeret i München.