د امریکا ولسمشر ډونالډ ټرمپ وایي: «وخت یې رسیدلی چې په ایران کې د نوې مشرۍ په لټه کې و اوسو.» د افغانستان شاوخوا ۵۰ ملي سوداګر نن بنګله دیش ته تللي څو له هغه هېواد سره د سوداګریزو اړیکو او د سوداګرۍ د کچې په لوړولو خبرې وکړي. د امریکا ولسمشر ډونالډ ټرمپ په اتو اروپايي هېوادونو باندې ۱۰ فیصده تعرفه اعلان کړه. د افغانستان د فوټسال ملي ټیم پنځه پر درې ویټنام ته ماته ورکړه. دا خبرونه د صفي الله ستانکزي په کوربه توب کتلی شئ
د پاکستان په کراچۍ ښار کې په یوه سوداګریز مرکز کې اورلګېدنې د ودانۍ ځینې برخې ویجاړې کړې او شپږ کسان یې وژلي دي.
د افغان سندرغاړي شفیق مرید په مالي ملاتړ د «رایان» په نوم د خصوصي روزنتون له تړل کېدو وروسته، د کابل ښار د یو شمېر نورو خصوصي روزنتونونو مسؤلین هم وایي چې د طالبانو د حکومت ورته په شفاهي توګه د روزنتونونو د تړلو امر کړی دی. د کابل ښار د یوه خصوصي روزنتون مسؤل یکشنبه د جنوري په ١٨مه د دې موضوع په څرګندولو که څه هم ډیر جزیات ورنکړل خو وې ویل د ماشومانو وضعیت ته له پام پرته طالبانو ته د خصوصي روزنتونونو د چارو سپارل کولای شي پر ماشومانو ناوړه اغېزې ولري. هغه چې د موضوع د حساسیت له امله یې نه غوښتل نوم... Читать дальше...
داسې مهال چې مخکې بیلابیلو نړیوالو بنسټونو د ژمې په موسم کې په افغانستان کې په ماشومانو او ښځو کې د خوارځواکۍ د زیاتېدو خبرداری ورکړی وو، د طالبانو حکومت د عامې روغتیا وزارت تازه ویلي، په دې هیواد کې شاوخوا درې میلیونه ښځې او ماشومان په خوارځواکۍ اخته دي. د طالبانو حکومت تر کنترول لاندې د افغانستان ملي راډیو تلویزون د دوی د عامې روغتیا وزارت د ویاند شرافت زمان له قوله د جنورۍ په ۱۷ مه په یو راپور کې ویلي، له دې ډلې یې ۱ عشاریه ۳ میلیونه په متوسطې او نږدې ۷ لکه کسان په شدیدې خوارځواکۍ اخته دي. دغه... Читать дальше...
د کراچۍ په صدر سیمه کې په یوه کاروباري پلازه کې د اورلګېدنې په پېښه کې لږ تر لږه ۶ کسان وژل شوي او شاوخوا ۲۲ ټپیان شوي دي۔ چارواکي وېره لري چې ښايي ځینې نور کسان لا هم په ودانۍ کې بند پاتې وي. کاروباریان وايي چې شاوخوا ۱،۲۰۰ دوکانونه بشپړه سوځېدلي دي. نور حال د نیاز علي خان په ويډیو
د افغانستان او ویسټ انډیز د کرکټ ملي لوبډلو ترمینځ د درې ۲۰ اووریزو لوبو لړۍ د جنورۍ له ۱۹مې پیلېږي.د افغانستان د کرکټ بورډ پر خپله فیسبوک پاڼه په خپرو کړو معلوماتو کې ویلي چې د افغانستان په کوربتوب به د درې لوبو دا لړۍ د متحده عرب اماراتو د دوبۍ په میدان کې ترسره شي. د کرکټ بورډ لخوا له خپاره شوي مهالوېش سره سم، دا لوبې د جنورۍ پر ۱۹مه، ۲۱مه او ۲۲مه ترسره کېږي. دا په داسې حال کې ده چې د افغانستان او ویسټ انډیز په ګډون د ټولو هیوادونو لوبډلې د ۲۰ اووریز نړیوال جام لپاره د تیاریو په وروستي پړاو کې دي. Читать дальше...
یو شمېر افغانې مېرمنې وایي چې د ژمې په موسم کې یې د تودو ژمنیو جامو، جاکټونو او ځینو نورو اړینو وسایلو اوبدلو ته مخه کړې ده.
ښاغلي ټرمپ ویلي په متحده ایالتونو باندې د ګرینلنډ د پلور تر هوکړې پورې به له دغو اتو اروپايي هېوادونو د توکو په وارداتو لس فیصده تعرفه د فبروري له لومړۍ اجرا شي. په تروث سوشیال کې د ښاغلي ټرمپ د بیان په اساس دا اته اروپايي هېوادونه ډنمارک، ناروې، سویډن، فرانسه، جرمني، هالنډ، فنلنډ او بریټانیا دي. هغه ګواښ وکړ چې د جون له لومړۍ به دا تعرفه ۲۵ فیصدو ته لوړه کړي. ګرینلنډ د ډنمارک یوه نیمه کورواکه سیمه ده. د ګرینلنډ چارواکي او خلک له امریکا سره ضمیمه کېدل نه غواړي او د ولسمشر ټرمپ د مکررو غوښتنو په غبرګون هلته پرون ځینې لاریونونه هم شوي. Читать дальше...
د پاکستان د کراچۍ ښار په یوه سوداګریز مرکز کې اورلګېدنې د ودانۍ ځینې برخې ویجاړې کړې او شپږ کسان یې وژلي دي. ویډیوګانو کې ښکاري چې له ودانۍ څخه اور پورته کیږي پداسې حال کې چې اور وژونکي د اور د کنټرول په لټه کې دي. اور د شنبې په شپه (د جدي ۲۷) ولګېد او لامل یې لا نه دی معلوم. د پولیسو یوه چارواکي وویل چې شپږ جسدونه د کراچۍ ملکي روغتون ته وړل شوي او ۱۱ ټپیان هم تر درملنې لاندې دي. سیمه ییزو رسنیو راپور ورکړ چې د ودانۍ ځینې برخې نړیدلي او د ژغورنې کارکونکي ویره لري چې ټوله ودانۍ به ونړیږي.
د افغانستان یوه پيژندل شوي سندرغاړي شفیق مُرید شکایت کړی چې د طالبانو حکومت په کابل کې د رایان په نوم د ده یوه پرورشګاه یا د ماشومانو روزنتون تړلی دی. ښاغلي مُرید د شنبې په ورځ په خپله فیسبوک پاڼه په یوه پيغام کې ویلي چې طالب چارواکو له کومې مخکینۍ خبرتیا پرته دا اقدام کړی او ماشومان یې دولتي روزنتونو ته وړي دي. شفیق مُرید وايي چې په رایان پرورشګاه کې ۲۱ تنو کارکوونکو او ښوونکو د ګڼو هغو ماشومانو روزنه او پالنه کوله چې له بیوزلۍ، لوږې او بې سرپرستۍ سره مخ وو. هغه ویلي دوی د رایان روزنتون له لارې... Читать дальше...
امریکايي ولسمشر ډانلډ ټرمپ وايي چې وخت راغلی چې نوي مشران د ایران واک سمبال کړي.هغه دا خبره تر هغې وروسته کړې چې په ایران کې لسګونه زره مظاهرچیان لارو کوڅو ته ووتل او د ۱۹۷۹ز کال له انقلاب راهیسې یې د اسلامي جمهوریت مشروعیت ته تر ټولو جدي ګواښ پېښ کړی. ولسمشر ټرمپ پولېټیکو رسنۍ ته په یوه مرکه کې، چې د جنورۍ پر ۱۷مه خپره شوې، ویلي، "په ایران کې د نوي مشرتابه د لټون وخت راغلی" دی. ټرمپ په خپلو خبرو کې د ایران پر ستر مذهبي مشر ایت الله علي خامنه يي هم مستقیمې نیوکې وکړې او و یې ویل چې هغه "د یو هېواد... Читать дальше...
د افغانستان شاوخوا ۵۰ ملي سوداګر نن بنګله دیش ته تللي څو له هغه هېواد سره د سوداګریزو اړیکو او د سوداګرۍ د کچې په لوړولو خبرې وکړي. د طالبانو د حکومت د سوداګرۍ او صنعت وزارت په یوه بیان کې ویلي د دغه پلاوي مشري د یاد وزارت مرستیال احمدالله زاهد کوي. د بیان په اساس د دغه سفر هدف د سوداګرو لپاره د نویو بازارونو موندل، د کورنیو محصولاتو لپاره د صادراتي فرصتونو زیاتول او د سیمه ایزې اقتصادي همکارۍ پياوړتیا ده. دا پلاوی همداراز هڅه کوي چې د سوداګرۍ لپاره نوې لارې ولټوي ځکه د افغانستان او پاکستان تر منځ... Читать дальше...
د افغانستان د بشري حقونو لپاره د ملګرو ملتونو ځانګړي راپورټر رېچرډ بېنيټ د هغو دوو افغان ښځو د سمدستي خوشې کولو غږ چې دا مهال د طالبانو په زندان کې دي.نوموړي د جنورۍ پر ۱۷مه نېټه پر خپله اېکس پاڼه ولیکل:"په کندوز کې د ناظره رشیدي او په هرات کې د خدیجه احمدزاده د روان توقیف په اړه سخت اندېښمن یم. زه د هغوی د سمدستي خوشې کېدو او خوندیتوب غوښتنه کوم." د راپورونو له مخې ناظره رشیدي شاوخوا دوه اونۍ وړاندې په کندوز کې د طالب ځواکونو له خوا نیول شوې وه. په بله قضیه کې هم خدیجه احمدزاده چې په هرات کې د... Читать дальше...
په کراچۍ کې په یوې پلازه کې د اور لګېدو په پېښه کې ۶ کسان وژل شوي او شاوخوا ۲۰ ټپیان دي.اور په اېم اې جناح سړک د جنورۍ پر ۱۷مه د ماخستن په شاوخوا لس نیمې بجې د ګل پلازې پر لومړي پوړ ولګېد. په کراچۍ کې د ژغورنې ادارې (ریسکیو ۱۱۲۲) ویاند حسان الحسیب رويټرز اژانس ته ويلي چې د اورلګېدو اطلاع ترلاسه کولو سره سم یې د ژغورنکو ډله د اور وژلو لپاره واستوله خو اور نورو پوړونو ته خور شوی وو. نوموړي د پاکستان ډان ورځپاڼې ته ويلي چې د اور لګېدو له امله ۲۰ تنه زخمیان شوي هم دي. د هغه په وینا چې په پلازه کې شاوخوا ۱،۲۰۰ دوکانونه دي. Читать дальше...
په هسپانیه کې هر کال د جنورۍ پر ۱۶مه یوه دودیزه مېله لمانځل کېږي، چې د سان بارتولومې ډي پیناریس نومې سیمه کې تر سره کېږي. په دې دوديزه مېله کې سږ کال له ۱۰۰ زیات کسان پر اسونو سپاره ول او د اور له لمبو څخه تېر شول. د سیمې اوسېدونکي عقیده لري چې له اوره په تېرېدو سره اسونه خوندي کېږي. دا تاريخي مېله تر هغه وروسته لمانځل کېږي چې پخوا د سیمې ټول اسونه په یوه وبا کې اغېزمن شوي ول. د رویټرز خبري اژانس له ویډیو جوړ راپور.
د پښتنو د سيمو په څېر په افریقايي هېواد نایجېریا کې هم ګاڼۍ شته چې پکې ګوړه پخېږي او تیارېږي. د هغه هېواد یو اوسېدونکی وايي، دا کسب ورته له نیکونو په میراث کې پاتې شوی دی. نور د رویټرز اژانس له ویډیو په جوړ رپورټ کې.
د پاکستان په پنجاب او بلوچستان صوبو کې په دوو ترافیکي پېښو کې ۲۴کسان مړه او ۴۰ نور ټپیان شوي دي. د پاکستاني رسنیو د راپورونو له مخې، دواړه پېښې پرون شنبې رامنځته شوي دي. په وژل شویو او ټپيان کې ماشومان هم شامل دي. د ازادي راډيو د مشال برخې د راپور له مخې، په بلوچستان کې په ترافیکي پېښه کې مرګژوبله د سنید صوبي مزدورانو ته اوښتې ده. د سړکونو خرابوالی، د ترافیکي اصولو نه رعایت او د موټروانونو بې احتیاطي په پاکستان کې د ترافیکي پېښو لوی لاملونه بلل کیږي.
د افغانستان د نولس کلنو د کرکټ ملي ټیم نن په نړیوال جام کې له ویسټ اندیز سره مخ دی. د دوی لوبه د نامیبیا په وینډهوک کې پلان شوې چې تمه ده د افغانستان په وخت د غرمې دولس بجې پيل شي. دا لوبه د نولس کلنو د کرکټ د نړیوال جام په ډي ګروپ کې ده. په دغه ګروپ کې په افغانستان او ویسټ اندیز سربېره د جنوبي افریقا او تانزانیا ملي ټيمونه هم شامل دي. افغانستان او ویسټ اندیز خپلې دواړه لومړۍ لوبې ګټلي. افغانستان د جمعې په ورځ د نولس کلنو په نړیوال جام کې خپله لومړۍ لوبه د ویسټ اندیز په وړاندې وګټله. د نولس کلنو... Читать дальше...
د امریکا ولسمشر ډونالډ ټرمپ وایي، «وخت یې رسیدلی چې په ایران کې د نوي مشر په لټه کې و اوسو.» ښاغلي ټرمپ چې له پولیټیکو پاڼې سره په مرکه کې چې د شنبې په ورځ خپره شوې په ایران کې د علي خامنه ای د ۳۷ کلن حکومت د پای ته رسولو غوښتنه کړې. ولسمشر ټرمپ یوه ورځ وروسته تر هغه دا تازه څرګندونې کړي چې د ایران له مشرانو یې د څه باندې اته سوه اعدامونو د لغوه کولو لپاره مننه کړې وه. ښاغلي ټرمپ ویلي خامنه اي د خلکو په ځپلو او تاوتریخوالي سره داسې جرم کړی چې ساری یې نه دی لیدل شوی او له امله یې دا هېواد بشپړې نابودۍ/له منځه تلو سره مخ کړی. Читать дальше...
په افغانستان کې د طالبانو تر بیا واکمنېدو وروسته د چین د دولتي رسنیو فعالیتونه زیات شوي. د ازادي راډیو د خبر مرکزي څانګې د یوه څېړنیز/تحلیلي راپور په اساس چې د شنبې په ورځ خپور شوی چینايي رسنۍ په افغانستان کې د بیجینګ د مثبت رول په منعکسولو بوختې دي او د بیوزلیو، ناخوالو او د بشري حقونو د نقض موارد نه راپور کوي. ځینې خبریالان چې د چین له ملاتړ برخمنو خبري اژانسونو او رسنیو سره کار کوي د خپلو کارونو په اړه له نورو رسنیو سره له خبرو کولو منع شوي او ګواښ ورته شوی که چېرته دا کار وکړي له دندو به وایستل شي. Читать дальше...
د افغانستان یوه پيژندل شوي سندرغاړي شفیق مُرید شکایت کړی چې د طالبانو حکومت په کابل کې د رایان په نوم د ده یوه پرورشګاه یا د ماشومانو روزنتون تړلی دی. ښاغلي مُرید د شنبې په ورځ په خپله فیسبوک پاڼه په یوه پيغام کې ویلي چې طالب چارواکو له کومې مخکینۍ خبرتیا پرته دا اقدام کړی او ماشومان یې دولتي روزنتونو ته وړي دي. شفیق مُرید وايي چې په رایان پرورشګاه کې ۲۱ تنو کارکوونکو او ښوونکو د ګڼو هغو ماشومانو روزنه او پالنه کوله چې له بیوزلۍ، لوږې او بې سرپرستۍ سره مخ وو. هغه ویلي دوی د رایان روزنتون له لارې... Читать дальше...
