دقیق: په هرات کې د ۵۸۶ معتادینو درملنه شوې
د هرات ولایت له نشهيي موادو سره د مبارزې رئیس جیلاني دقیق د پنجشنې په ورځ ازادي راډیو ته وویل چې دا راغونډ شوي معتادین ټول بېکوره و او د ژمي سړې شپې یې تر شنه اسمان لاندې تېرولې>
ده وويل:
"په مجموع کې ۵۸۶ تنه بېکوره معتادین راټول شوي او تر درملنې وروسته خپلو کورونو ته استول شوي دي، دغه ډول ځیني معتادین چې د هرات خپل خپل اوسېدونکي و، خپلو کورنیو ته تسلیم شوي دي."
د ښاغلي دقیق په وینا د معتادینو د راټولولو تر څنګ په رباط سنګي ولسوالۍ کې خلکو په خپله خوښه نږدې په خپلو ۲۰۰ جریبه ځمکو کې کرل شوي کوکنار لهمنځه وړي دي.