غني: د افغان ځواکونو قربانۍ د هېواد د بقا د تضمین سبب ګرځېدلي
له ارګ څخه نن په یوې اعلامیه کې راغلي چې ولسمشر اشرف غني دا خبره د قول اردوګانو له قوماندانانو سره د لیدو پر مهال کړې ده.
دغه قوماندانان د «نصرت ۹۷» په نوم عملیاتو په تړاو په جوړ شوي کنفرانس کې د ګډون په هدف کابل ته تللي و.
ولسمشر له دغو قوماندانانو وغوښتل چې د نورو عملیاتو تجربې د نصرت په نوم عملیاتو کې وکاروي.
اعلامیه د ولسمشر له قوله زیاتوي چې د پرمختیایي پروژو امنیت باید ټینګ شي، ځکه د خلکو ژوند او هوساینه د همدې پروژو په پلي کېدو پورې اړه لري.