بریتانیا وايي په دغه هېواد کې د مېشتو روسانو شتمني څېړي

د بریتانیا د بهرنيو چارو وزیر بورېس جانسون وايي، د هېواد استخباراتي ادارې يې په بریتانيا کې د بډايه روسانو په اړه پلټنې کوي او هغوی چې شتمني يې د روسيې له ولسمشر ولاديمير پوتين سره د تړاو له لارې ده، هغوی به محاکمه شي.


جانسون دا خبرې نن د پنجشنپې په ورځ وروسته له هغه وکړې چې بریتانيا د ۲۳ روسي ډیپلوماتانو د ايستلو اعلان وکړ.


بریتانيا په دغه هېواد کې د يوه پخواني روسي دوه طرفه جاسوس او د هغه د لور د مسمومېدو حملې ته په عکس‌العمل کې د روسي ډیپلوماتانو د ايستلو اعلان وکړ.