په غور کې د بزګر ورځې د لمانځلو په مناسبت د فوټبال سیالۍ پیل شوې
د افغانستان د فوټبال فدراسیون د معلوماتو له مخې، دغه سیالۍ د دولتيار ولسوالۍ د فوټبال الف ټیمونو ترمنځ تېره ورځ پیل شوي چې ۱۶ لوبډلې پهکې ګډون لري.
د دغه فدراسیون د مسؤلینو په خبره، د فوټبال دغه سیالۍ به درې اوونۍ دوام کوي او له دې لارې به خلکو ته د سمسور افغانستان پيغامونه هم ورکول کېږي.
د بزګر ورځې د لمانځلو په مناسبت، دغه سیالۍ هر کال په غور ولایت کې ترسره کېږي.