د فاریاب پر خواجه سبزپوش ولسوالۍ د طالبانو برید پر شا تمبول شوی
د فاریاب د سرحدي کنډک قوماندان ویس علمدار نن ازادي راډیو ته وویل چې طالبانو تېره شپه ۱۲ بجې د میمنې او مزارشریف پر لویه لاره پر امنیتي پوستو برید وکړ چې په پایله کې د ۵ وسله والو په وژل کېدو برید پر شا وتمبول شو.
نوموړي وویل دوه افغان سرتېري په دې نښتو کې ژوبل شوي دي.
طالبانو د فاریاب د وروستۍ جګړې په اړه رسنیو ته څه نه دي ویلي.