له پاکستان سره پر پوله درې ایراني سرتېري وژل شوي
د ایران د دولتي ایرنا خبري آژانس د خبرله مخې د سیستان بلوچستان ایالت د سرحدي ښار ګوټي میرجاوه پر یوې سرحدي پوستې په برید کې د ایران د پولیسو یو افسر ووژل شو او دوه نور سرتېري هغه مهال ووژل شول چې پر موټر یې یوه چاودېدونکي وسیله وچاودله.
ایرنا د ایران د سپاه پاسداران انقلاب د ځواک د خبرپاڼې له قوله ویلي چې د ایران امنیتي ځواکونو په متقابل ځواب کې درې ترهګر ووژل.
په سیستان بلوچستان کې د ایران امنیتي ځواکونه اکثره وختونه له وسله والو او د مخدره موادو له قاچاق کونکو سره په نښتو کې ښکېل شوي دي.