د امریکا په الباما کې یو ۸۳ کلن سړی پرون پنجشنبه اعدام شو

د امریکا په الباما ایالت کې یو ۸۳ کلن سړی چې د قتل په جرم زنداني و، پرون اعدام شو.


مجرم والترلیروی مودي جونیر تر ټولو د پاخه عمر زندانی دی چې په معاصره امریکا کې د اعدام حکم ورباندې اجرا شو.


په الباما کې د زندان مسؤلانو ویلي چې والتر جونیر تر اعدام مخکې هېڅ وینا یا وصیت نه دی کړی.


دا سږکال په امریکا کې اتم اعدام و.


د اعدامونو د معلوماتو مرکز ویلي چې په امریکا کې له ۱۹۷۰ میلادي کال راهیسې چې د اعدام د سزا حکم برحاله شوی، والتر جونیر تر ټولو مسن اعدام شوی سړی دی.


مودي جونیر په ۱۹۸۹میلادي کال کې، په الباما کې د فدرالي محکمې د یوه قاضي او په جورجیا ایالت کېد تور پوستو امریکایانو د یوه څارنوال په وژلو مجرم پېژندل شوی و.