چارواکي: د فاریاب په غورماچ کې د طالبانو یو قوماندان وژل شوی
د دې قول اردو ویاند، حنیف رضايي نن ازادي راډیو ته وویل:
"تېره شپه په عملیاتو کې شپږ وسله وال طالبان چې د هغوی قوماندان قاري امرالله هم په کې دی، وژل شوي او ۴ تنه زخمیان شوي دي، په نښتو کې د پاڅون کوونکو یو غړی هم وژل شوی دی."
د رضايي په وینا، وسله والو طالبانو د فاریاب په غورماچ ولسوالۍ کې پر امنیتي پوستو د حملو پلان درلود.
خو وسله والو طالبانو په دې اړه خبرې نه دي کړې.