له حکومت سره د وسله والو یوې یو ځای شوې ډلې ویلي، ایران وسلې ورکولې

په هرات کې د وسله والو طالبانو یوې ډلې چې له حکومت سره یوځای شوې، ادعا کړې چې ایران وسلې ورکولې او لارښوونه یې ورته کوله چې په افغانستان کې د ټاپي پروژې د جوړېدو مخنیوی وکړي.


پژواک خبري اژانس ویلي چې د اتو وسله والو دا ډله د یکشنبې په ورځ په هرات کې له امنیتي ځواکونو سره یوځای شوې ده.


د هرات د پولیسو مشر پژواک ته ویلي چې دې کسانو د هرات په پښتون زرغون او کرخ ولسوالیو کې تخریبي فعالیت کاوه.


خو د هرات د پولیسو ویاند عبدالاحد ولي زاده نن دوشنبه ازادي راډیو ته وویل چې د ایران په اړه د دې کسانو ادعا تر څېړنې لاندې ده.


ولي زاده وویل، د څېړنو له بشپړېډو سره به معلومات له خلکو سره شریک کړي.