هرات چارواکي: نېږدې ۲۰ کیلوګرامه هیروئین نيول شوي
د هرات د امنیه قوماندانۍ ویاند عبدالاحد وليزاده د پنجشنبې په ورځ ازادي راډیو ته وویل چې نیول شوي مواد د هرات ښار په پنځمه ناحیه کې په یو کور کې ځای پرځای شوي وو چې د دوی د پولیسو لاس ته ورغلل.
نوموړی وايي:
"نیول شوي مخدره مواد ۱۹ کیلو او ۴۰۰ ګرامه دي چې زموږ د پولیسو لهخوا کشف او ترلاسه شوي. د دې موادو په تور لا تر اوسه څوک نهدي نیول شوي، خو عاملین یې پېژندل شوي او تر تعقیب لاندې دي."
دا پهداسې حال کې ده چې دوه اوونۍ مخکې د هرات پولیسو درې تنه د مخدره مواد د قاچاق په تور نیولي چې یو تن یې غوښتل ۲۵۰ کیلو ګرامه تاریاک له هراته ایران ته قاچاق کړي.