چارواکي: د جوزجان په خماب کې طالبانو ۱۱تنه تښتولي
د خماب ولسوالۍ امنیه قوماندان غلام نبي فرهنګ نن دوشنبه ازادي راډیوته وویل چې وسله والو طالبانو دا وګړي د شبرغان او خماب پر سړک د دیوقلعه په سیمه کې له موټره ښکته کړي او نامعلوم ځای ته یې بیولي دي.
د امنیې قوماندان په وینا، وسله والو طالبانو یو عسکر هم وژلی او درې تنه یې له ځانه سره بیولي دي.
د تښتول شویو وګړو برخلیک لا نه دی څرګند شوی.
وسله والو طالبانو پردې مسئله خبرې نه دي کړې.