په هرات کې اور لګېدنې میلیونونه افغانۍ زیان اړولی
د هرات د والي ویاند جیلاني فرهاد ازادي راډیو ته وویل چې په دې ودانۍ کې د نوي کابل بانک دفتر او څو نورو علمي او فرهنګي مرکزونه موقعیت لري.
هغه زیاته کړه:
"لومړني تحقیقات ښیي چې د کابل بانک مهمو اسنادو ته زیان نه دی رسېدلی، یوازې لس سلنه غیر مهمې پاڼې له منځه تللې دي او د بانک مخزن نه دی زیانمن شوی، میلیونونه افغانۍ زیان پخپله د ودانۍ او نورو تخنیکي وسایلو له اړخه اوښتی دی."
د ښاغلي فرهاد په خبره، تر اوسه د دې اور لګېدنې دلیل معلوم نه دی.