پوتین پر روسیې د امریکا احتمالي بندیزونه غیرقانوني بللي
روسي رسنیو د کرملین د ویاند دیمیتري پیسکوف له قوله راپور ورکړی چې نوموړی وايي، د روسیې د امنیت شورا له غړو سره د ولسمشر ولادیمیر پوتين په پرونۍ کتنه کې ټینګار وشو چې دا اقدامات د نړیوالو قوانینو له مخې هېڅ راز مشروعیت نه لري.
د امریکا د بهرنیو چارو وزارت تيره اوونۍ وویل چې پر روسیې به د دې هېواد د استخباراتو د پخواني جاسوس سرګي سکريپال د مسمومېدو د قضیې په تړاو نوي بندیزونه ولګوي.