د سولې شورا له حکومت او وسله والو طالبانو وغوښتل چې اوربند وکړي
د دې شورا مشر کریم خلیلي نن شنبه په یوه لنډ پیغام کې هیله وښوده چې دواړه لوري اوربند وکړي.
د طالبانو مشر بیا د لوی اختر په مناسبت خپره کړې خبرپاڼه کې ویلي، تر هغو په افغانستان کې سوله نشي ټینګېدای چې په دې هېواد کې بهرني پوځیان حضور ولري.
په خپره شوې خبرپاڼه کې د تمې خلاف د اوربند هېڅ یادونه نده شوې او مولوي هبټ الله اخوندزاده ویلي چې له امریکا سره مستقیمې خبرې د روانې لانجې یواځینۍ حل لاره ده.
د افغانستان د عالمانو د شورا مشرمولوي قیام الدین کشاف وایي، یواوږدمهاله اوربند د سولې خبرو ته زمینه برابروي.