نن دوشنبه ماښام افغان کرکت لوبډله له ایرلنډ سره سیالي کوي
د افغانستان د کرکټ بورډ ویاند فرید هوتک نن ازادي راډیو ته وویل چې افغان لوبغاړي دغو سیالیو ته پوره چمتووالی لري او د ایرلنډ په وړاندې به ښې لوبې وکړي.
د نوموړي د معلوماتو له مخې، نبي عیسېخېل، راشد خان او مجیب ځدراڼ چې د انګلستان په ۲۰ اوریزو سیالیو وایټلیټي بلاسټ کې په لوبو بوخت وو، له ملي لوبډلې سره يوځای شوي دي.
افغانستان او ایرلنډ له دې وړاندې ۱۰ شل اوریزې لوبې کړي چې په ۷ کې افغانستان او په درېیو کې ایرلنډ بریا خپله کړې ده.
په دغه سفر کې به افغانستان له ایرلنډ سره د درېیو ۲۰ اوریزو سیالیو سربېره، درې ۵۰ اوریزې لوبې هم وکړي.