د چک ولسمشر په افغانستان کې د چک د پوځي ماموریت ملاتړ وکړ
په پراګ کې پرون د چک جمهوریت له سفیرانو سره د دغه هیواد ولسمشر د کلنۍ غونډې پرمهال وویل چې په کابل کې د چک پوځیان د پراګ لپاره جګړه کوي.
په وروستیو کې په چک کې یوشمیر ګوندونو پر حکومت فشار زیات کړی دی چې له افغانستانه خپل پوځيان وباسي.
تیره میاشت په بګرام کې د یوې چاودنې پرمهال درې چکي سرتیرې ووژل شول.
په افغانستان کې چک ۲۳۰ پوځیان او روزونکي لري او له ۲۰۰۲ کال راپه دې خوا په دې هیواد کې تر اوسه ۱۳ چکي سرتیرې وژل شوې دي.