په بلخ کې ډزو د محقق د وینا پرمهال ګډوډي رامنځته کړه
د افغان حکومت د اجرائيه رياست دوهم مرستيال محمد محقق نن غرمه د مزار شريف د پنځمې امنیتي حوزې په مربوطاتو کې د رسول الله په جومات کې وينا کوله چې د جومات په شا او خوا کې هوايي ډزې پيل شوې.
ځايي امنيتي مسئولانو ازادي راډیو ته په خبرو کې ويلي چې دوی او د ښاغلي محقق خپلو امنیتي مسئولانو د يوه مشکوک کس د احتمالي حملې د تهدید له کبله ډزې کړي.
د دوی په وينا دغه کس د امنیتي خبرداريو پروا نه وه کړې خو وروسته تر تحقيقاتو بېرته خوشی شو.
د بلخ د پوليسو وياند شير جان دراني د دې پېښې په اړه بې خبري څرګنده کړه.
ښاغلي محقق د عاشورا او امام حسین د پاڅون په مناسبت خبرې کولې.