په سرپل کې تر ۴۰۰ کیلو ګرامو ډېر نشه يي مواد وسوځول شول
د سرپل مرستيال والي عبدالمالک عظیمي رسنیو ته وویل، دا سوځول شوي مواد چې ۴۸۰ کيلو ګرامه ترياک او لسګونه بوتله الکولي مشروبات دي، افغان ځواکونو په تېرو شپږو میاشتو کې د عملیاتو او تلاشۍ پر مهال نیولي وو.
د یادونې وړ ده چې کوم کسان د دې موادو د قاچاقو او خرڅلاو په تور نیول شوي، تر لومړنیو څېړنو وروسته عدلي او قضايي ادارو ته معرفي شوي دي.