بشري فعال یعقوبوف تر جلا وطنۍ وروسته ازبکستان ته ستون شو
طالب یعقوبوف په ازبکستان کې د بشري حقونو ټولنه په نوم اداره جوړه کړې وه.
هغه خپل امنیت ته د اندېښنې له امله په ۲۰۰۷ مېلادی کال کې فرانسې ته وتښتېد او د ازبکستان حکومت په ۲۰۱۴ مېلادي کال کې له هغه د ازبکستان د تابعیت حق واخیست.
طالبوف د ازادي راډیوخبریال ته ویلي چې په فرانسه کې د ازبکستان سفارت د اګست په میاشت کې خبر ورکړ چې په یو کلنه وېزه بېرته خپل هېواد ته ستنېدلائ شي.
هغه ۸۷ کلن دی او د فرانسې پاسپورټ لري.
د ازبکستان په پلازمېنه تاشکند کې پرون، چهارشنبه د سپټمبر۲۶مه، د یعقوبوف خپلوان او ملګري هوايي ډګر ته د هرکلي لپاره ورغلي و.