د نوبل جایزې ګټونکې ملالې یوسفزۍ په یوې جایزې ستایل شوې
۲۱ کلنه ملاله یوسفزۍ چې څو کاله مخکې په سوات کې د طالبانو له یو مرګوني برید وژغورل شوه، د پنجشنبې په ورځ ورته د امریکا د ماسچوسیټ ایالت په کیمریج کې د هارورډ پوهنتون له خوا د ۲۰۱۸ میلادي کال د ګلیټسمن ایوارډ ورکړل شو.
د هارورډ پوهنتون یو استاد ډیویډ ګیرګین په دې مناسبت ویلي:
"ملاله د ځپل شویو ښځو او نجونو د پیاوړتیا او استقامت لپاره په پوره ځواک خبرې کوي."
دا جایزه د داسې فعالیتونو په بدل کې چې په نړۍ د خلکو د ژوند کیفیت بهتره کړي ۱۲۵ زره امریکايي ډالر ورکوي.
ملاله یوسفزۍ دا مهال په اکسفورډ پوهنتون کې محصله ده.
نوموړې د نجونو د تعلیم په برخه کې د کړو هڅو له کبله تر دې مخکې په ۲۰۱۴ میلادي کال د سولې په برخه کې د نوبل جایزه تر لاسه کړې ده.