ولسمشر غني د دولتي بنسټونو د امنیتي پلان جوړول او عملي کول غوښتي
د ارګ له خوا په خپره شوې اعلامیه کې ویل شوي چې ولسمشر غني دا غوښتنه پرون د کابینې په غونډه کې وکړه.
ولسمشر غني ویلي، سره له دې چې طالبانو د کابل په وروستۍ حمله کې لاس لرل رد کړي، خو دا ډله مسؤله ګڼل کېږي.
په کابل کې پر فواید عامې وزارت او له معلولینو او د شهیدنو د کورنیو د ملاتړ پر ادارې د وسله والو په وروستي برید کې د ۴ برید کوونکو په شمول ۴۷ کسان ووژل شول او ۲۷ نور ژوبل دي.
د کابل د وروستۍ ترورېستي حملې مسؤلیت تر اوسه پورې کومې ډلې منلی نه دی.