ناڅرګندو کسانو د پکتیکا په ارګون کې د نجونو یو ښوونځی سوځولی
د ولایت ویاند محمد رحمان ایاز د شنبې په ورځ ازادي راډیو ته وویل چې تېره شپه د شپې دوه بجې د نسوان زرابي په نوم دغه ښوونځی ناڅرګندو کسانو سوځولی دی چې ډېری کتابونه، اسناد او نور مهم توکي هم په کې سوځول شوي دي.
دده په خبره، څیړنې روانې دي چې دغه پېښه ولې او څه ډول رامنځته شوې ده.
ایاز زیاتوي، دا لومړی ځل دی چې په یاده سیمه کې دغه ډول پېښه رامنځته کېږي.