خالد مؤحد: د عدلي او قضايي مرکز ۳۰ تنه مجازات کړل

له نشه‎يي موادو سره د مبارزې عدلي او قضايي مرکز نېږدې دېرش تنه مجازات کړل.


د عدلي او قضايي مرکز ویاند خالد مؤحد ازادي راډیو ته وویل، د دې مرکز ابتدائیه او استېناف محکمو ۲۹ کسان د ۱۸ قضیو په اړه له شپږو میاشتو څخه نيولې بیا تر یوه کال پورې په بند باندې محکوم کړل.


ښاغلی مؤحد زیاتوي، له دې کسانو څخه ځینې یې د هوايي ډګرونو له لارې د نشه‎يي موادو د قاچاق پر مهال نیول شوي دي.


دغه ډول تېره اوونۍ هم له نشه‎يي موادو سره د مبارزې عدلي او قضايي مرکز محکمو ۲۵کسان تر ۱۶ کالو پورې په بند باندې محکوم کړل.