سعودي عربستان د پاکستان په ګوادر بندر کې د تېلو چاڼځای جوړوي
د سعودي عربستان د انرژۍ وزیر خالد الفلاح پرون شنبه «۱۳۹۷ کال د مرغومې ۲۲» په ګوادر بندر کې چې د چین په مرسته انکشاف ورکول کېږي، وویل:
"سعودي عربستان غواړي چې د تېلو د یوه چاڼځای د جوړولو او د چین او پاکستان په اقتصادي دهلیز کې د ګډون له لارې د پاکستان په اقتصادي پرمختګ کې ثبات راولي."
الفلاح دا څرګندونې په هغه ځای کې وکړې چې ټاکل شوې ده سعودي عربستان هلته چاڼځای جوړ کړي.
ده دا هم وویل چې د سعودي عربستان ولیعهد شهزاده محمد بن سلمان به راتلونکې فبرورۍ د موافقې د لاسلیک لپاره پاکستان ته لاړ شي.