د کندهار په پنجوايي ولسوالۍ کې ۴ سیمهییز پوليس وژل شوي
دغه بريد تېره شپه د پنجوايي ولسوالۍ د دواب په سیمه کې شوی دی.
د کندهار د والي ویاند عزيز احمد عزيزي پهدې اړه ازادي راډیو ته وویل:
"له بده مرغه تیره شپه د پنجوایې په ولسوالۍ کې څلور محلي پولیس په یوه پوسته کې د ملګرو لهخوا ویشتل شوي دي. برید کوونکي په تېښته بریالي شوي او په اړه یې پلټنې روانې دي."
بلخوا یوه باوري دولتي سرچينه وایي چې د تېرې شپې په داخلي بريد کې پنځه سیمهیيز پوليس وژل شوي او بريد کوونکو د سیمهیيزو پوليسو څلور ميله وسلې هم له ځان سره وړي دي.
طالب وسلهوالو تر اوسه پهدې اړه رسنیو ته څه نهدي ویلي.