د میرحسین موسوي او د هغه د مېرمنې تازه عکسونه راوتلي
وروسته له هغې چې دوی په ۲۰۱۱ کال کې په کور کې نظربند شول، چارواکو رسنۍ له دې منع کړې وې چې د هغوی تصویرونه خپاره کړي.
د دواړو تصویرونه لومړی د مخالفینو په ویبپاڼې کلمه کې خپاره شوي چې وروسته د اعتماد انلاین نیوز په ګډون نورو رسنیو شریک کړي دي.
موسوي او مهدي کروبي د ایران د ۲۰۰۹ کال د ولسمشرۍ په لانجمنو انتخاباتو کې د اپوزیسیون د مهمو څېرو په توګه راڅرګند شول چې وروسته پر دغو انتخاباتو او له بشري حقونو څخه د سرغړونو پخاطر پر چارواکو د پرله پسې انتقادونو په نتیجه کې د ۲۰۱۱ میلادي کال په فبرورۍ کې په کور کې نظربند شول.