د سرپل په سانچارک ولسوالۍ کې یوه ښځه صحرايي محاکمه شوې
د سرپل د والي ویاند، ذبیحالله اماني دا پېښه تأیید کړې ده.
اماني نن سهار په شمال کې د ازادي راډیو خبریال ته ویلي:
"دا ښځه عزیزه نومېده، د تېبیر د کلي اوسېدونکې وه. وسلهوالو طالبانو هغه د زنا په تور نیولې او د اوقاف په سیمه کې یې په صحرايي محکمه کې په لښتو وهلې ده."
د چارواکو په وینا دا سیمه د وسلهوالو طالبانو تر نفوذ لاندې ده.
طالبانو پهدې اړه خبرې نهدي کړي.
په جوزجان کې هم يوه ښځه پرون د هغې مېړه وژلې ده.
د جوزجان د والي ویاند د ازادي راډیو خبریال ته ویلي چې دا پېښه په شبرغان کې شوې ده.
د قتل علت لا نهدی څرګند.