خليلزاد: د دې وخت راغلى چې وسلهوال طالبان وسله پر ځمکه کښېږدي
زلمي خليلزاد تېره شپه په ټويټر کې ليکلي چې د خبرو لپاره د قطر په پلازمېنه دوحه کې دى.
ښاغلي خليلزاد ليکلي چې د طالبانو له استازو سره د کتنې په پيل کې طالبانو ته ويلي چې افغانان د دوى خويندې او وروڼه دي او غواړي چې په هېواد کې يې جګړه پاى ته ورسېږي.
خو ذبيح الله مجاهد چې ځان د وسلهوالو طالبانو وياند معرفي کوي نن د جګړې درولو لپاره د زلمي خليلزاد غوښتنه رد کړې ده.
راپورونه وايي، د امريکا د بهرنيو چارو وزارت د ځانګړي استازي او د طالبانو د استازو ترمنځ شپږم پړاو خبرې تېره چهارشنبه پيل شوې.
د طالبانو وياند د چهارشنبې په ورځ ليکلي وو چې ښاغلي خليلزاد د طالبانو د سياسي دفتر له مشر ملا برادر سره کتلي دي.