د سریلانکا پولیسو د دغه هېواد په ختیځ کې د تُندلارو یو کمپ نیولی
ګمان کيږي چي په دغه کمپ کې چې په لس هکتاره ځمکه باندې جوړ شوی او دوه څښتنان یې هم نیول شوي، هغو بریدګرو د ډزو او بمونو جوړولو روزنې لیدلي چې په دې وروستیو کې یې د سریلانکا د پلازمېنې کولمبو په شمول څو سیمې هدف وګرځولې.
کمپ چې په دېوالونو احاطه شوی و، په هغه کلي کې جوړ و چې د سریلانکا د اپرېل څلرویشتمې د خونړیو چاودنو اصلي طراح زهران هاشم پکې اوسېده.
د ایستر په ورځ په سریلانکا کې خونړۍ چاودنې چې په څو کلیساو او لوکسو هوټلونو کې وشوې او داعش یا اسلامي دولت ډلې یې مسؤلیت ومانه، څه باندې ۲۵۰ کسان ووژل شول.