جنوبي کوريا: شمالي کوريا د ختيځ لور ته ۲ مشکوک توغندي ويشتلي
تر یوې اوونۍ لږه موده مخکې د شمالي کوریا مشر کېم جونګ اون د ګڼو توغندیو د ویشتلو ازموينې ولیدې.
د جنوبي کوریا د لوی درستيز دفتر نن وویل چې دا توغندي د ځايي وخت د ماښام پر څلورنیمو بجو ویشتل شوي چې ښايي د لنډ واټن ويشتونکي وي.
په کوریا ټاپو وزمه کې د مې له څلورمې نېټې راهیسې وضعیت نور هم ترينګلی شوی چې شمالي کوریا ګڼ راکټونه وويشتل او لږ تر لږه یو د لنډ واټن ویشتونکی توغندی يې له خپله ختيځ ساحله په سمندر کې وويشت.
شمالي کوريا پر امریکا او جنوبي کوریا انتقاد کړی دی او وايي، دا توغندي د ورځني دفاعي تمرین برخه دي او رد کړې يې ده چې دا ډول اقداماتیې پاروونکي دي.