موګیریني: د ایران اټمي تړون د خوندیتوب لپاره خپل ملاتړ ته دوام ورکوم
دا بحث وروسته له هغه کېږي چې تېره اوونۍ تهران اعلان وکړ که نړیوال قدرتونه د امریکا د بندیزونو پر وړاندې د دوی ګټي خوندي نهکړي، نو ایران به د ۲۰۱۵ میلادي کال اټمي تړون ځینې ژمنې محدودې کړي.
د اروپا په خارجي سیاست او امنیتي چارو کې د اروپایي ټولنې لوړ رتبه استازي فدریکا موګیریني د نننۍ خبرو تر پیل دمخه خبریالانو ته وویل چې تر خپله وسه به د دې تړون د بشپړ خوندیتوب لپاره خپل ملاتړ ته دوام ورکړي.
هغې زیاته کړه:
"موږ دغه راز تل پهدې باور یو چې د اختلافاتو د کمولو او په سیمه کې د تاوتریخوالي د مخنیوي لپاره چې له وړاندې په کافي اندازه ډېر دی ، ډیالوګ تر ټولو ښه لار ده . د هر ډول تاوتریخوالي مخه باید ونیول شي."
د ایران او امریکا متحده ایالاتو تر منځ ستونزې وروسته له هغه راپورته شوې چې امریکا تېرکال د ایران د اټمي تړون څخه چې په ۲۰۱۵ میلادي کال کې د تهران او شپږو قدرتونو ترمنځ وشو، ووت او پر ایران یې نور بندیزونه ولګول.