د برازیل په یوه محبس کې د ۴۰ زندۍ شویو بندیانو مړي موندل شوي
د امازون ایالت د محبسونو ادارې په یو بیان کې ویلي چې دا بندیان پرون د مې په ۲۷مه د امازون په ځنګلي ښار ماناوس کې هغه مهال ووژل شول چې وضعیت یې د پولیسو له ادارې ووت.
له دې یوه ورځ مخکې په دې محبس کې د بندیانو د سیالو ډلو په جګړه کې پنځلس کسان وژل شوي وو.
د برازیل حکومت دې سیمې ته د فدرال ځواکونو ځانګړې قطعې استولي دي، څو وضعیت کنټرول کړي.
د برازیل په محبسونو کې د بندیانو د سیالو بانډونو ترمنځ نښتې عادي خبره ده، ځکه د مخدره موادو مافیایي ډلې پر دې زندانونو تقریباً بشپړ کنټرول لري.