هنګري کې د یوه کښتۍ د ډوبېدو په پېښه کې ۷ سیلانیان وژل شوي
پهدې وړه بیړۍ کې ۳۵ کسان ناست وو چې ۳۳ یې د جنوبي کوریا اتباع وو.
د دنیوب د سیند په غاړه وړه توریستي بیړۍ ډوبه شوې.
د هنګري چارواکو ویلي چې د جَنوبي کوریا له سیلانیانو ډکه کښتۍ له یوې غټې کښتۍ سره لګېدلې.
د جَنوبي کوریا اووه سیلانیان وژل شوي او اووه تنه یې ژغورل شوي.
لا هم د لټون عملیات دوام لري، څو ۲۱ لادرکه کسان پیدا شي.
د هنګري حکومت ویلي دي چې د دې پېښې په اړه تحقیقات پیل شوي دي.