اشرف غني د شانګهای د همکاریو سازمان په سرمشریزه کې ګډون کوي
دا دوه ورځنۍ غونډه د قرغزستان په پلازمېنه بشکیک کې نن د پنجشنبې په ورځ پیلیږي.
د دې غونډې په اړه د ولسمشر اشرف غني مرستیال ویاند شاه حسین مرتضوي ازادي راډیو ته وویل: "تمه ده چې نن ولسمشر د یوه پلاوي په مشرۍ د شانګهاي سازمان په غونډه کې د ګډون لپاره قرغزستان ته ولاړ شي. ولسمشر به پهدې غونډه کې وینا وکړي او د یو شمېر هېوادو له مشرانو سره به چې پهدې غونډه کې یې برخه اخېستې ده خبرې وکړي."
قرغزستان، قزاقستان، تاجکستان، هند، پاکستان، چین او روسیه د دې سازمان دایمي غړي هېوادونه دي او افغانستان، ایران، بېلاروس او منګولیا د دې سازمان څارونکي غړي دي.
د شانګهای سازمان تېره سرمشریزه د تاجکستان په پلازمېنه دوشنبه کې وه.