په بلخ کې د اصلاح شویو تخمونو یو فارم ګټې اخیستنې ته وسپارل شو
د کرنې او مالدارۍ وزارت ویاند اکبر رستمي نن ازادي راډيو ته وویل چې دغه فارم به په بلخ او د هېواد په شمالي ولایتونو کې د اصلاح شویو تخمونو اړتیاوې پوره کړي.
ده وویل چې له دغه فارم په ګټې اخیستنې سره وزارت کولی شي چې په کلني ډول څه باندې ۵ سوه پنځوس مټریک ټنه اصلاح شوي تخمونه تولید کړي او په بلخ او یو شمېر شمالي ولایتونو کې د اصلاح شویو تخمونو اړتیاوې پوره کړي.
نوموړي وویل، دغه اصلاح شوي تخمونه د کروندګرو په حاصلاتو او اقتصادي وده کې رغنده رول لري.