ولسمشر غني په مانچستر کې د افغان کرکټ لوبډلې سیالۍ ګوري
د افغانستان د کرکټ د ملي لوبډلې غړو په مانچستر کې د ازادي راډیو خبریال ته ویلي چې د نننۍ سیالي لپاره ښه ځانونه تیار کړي دي.
د افغانستان ولسمشر محمد اشرف غني چې د بریتانیې د حکومت په بلنه هغه هېواد ته تللی، نن په مانچستر کې د افغانانو د لوبې سیل ته ناست دی.
د افغانستان د کرکټ ملي لوبډله به د راتلونکې شنبې په ورځ د هند د کرکټ له لوبډلې او د دوشنبې په ورځ به له بنګله دېش سره مخامخ شي.
د کرکټ د نړیوال جام لپاره سږکال دا سیالۍ په انګلستان او وېلز کې کېږي.
د افغانستان د کرکټ ملي لوبډلې تر اوسه خپلې ټولې مسابقې بایللي دي.