د سولې ولسي حرکت د هلمند په مرکز لښکرګاه کې غونډه جوړوي
د دغه حرکت وياند بسم الله وطندوست نن ازادي راډيو ته وويل: په غونډه کې به د جګړې له ښکېلو اړخونو وغواړو چې نور جنګ پاى ته ورسوي، تر څنګ به يې له ولسونو وغواړو چې نور چوپ پاتې نه شي، هر څومره چې ولسونه چوپ پاتې شي، په هغه اندازه جګړه مخته ځي.
دغه ولسي حرکت تر دې مخکې هم د افغانستان په بېلابېلو ولايتونو کې د جګړې پر خلاف او د سولې په ملاتړ غونډې کړې دي.