تخار کې د ۲ اوونيو د جګړو له کبله زرګونه کورنۍ بېځايه شوي
دغه کورنۍ په نمک اب، اشکمش او بهارک ولسواليو کې د جګړو له کبله بېځايه شوي دي.
والي عبدالحى شفق ازادي راډيو ته وويل، څه باندې ٣٠٠٠ کورنۍ له يوازې له بهارک ولسوالۍ بې ځايه شوي دي:"څه باندې ٣٠٠٠ کورنۍ له بهارک راغلي، موږ ورته کمپ برابر کړى دى. روغتيا رياست، سرې مياشتې او نورو ادارو هلته فعالې ډلې ګمارلي، ډاکټران يې فعال کړي، دارو-درمل يې وروړي، خېمې او نور مواد يې وربرابر کړي دي."
په تخار کې ډېرې بېځايه شوې کورنۍ د مرکز تالقان په بېلابېلو برخو کې شپې ورځې سبا کوي.