په ننګرهار کې څه د پاسه دوه سوه کیلو ګرامه نشه يي مواد ونیول شول
د ننګرهار د امنیې قوماندانۍ ویاند اتل مبارز ازادي راډیو ته وویل، پولیسو د سنبلې د میاشتې په ۲۴مه نېټه د جلال اباد ښار په پنځمه او نهمه ناحیه کې (۲۲۶) کیلو ګرامه هیروئین او چرس ونیول.
دغه ډول پولیسو په روداتو ولسوالۍ کې په یوه موټر کې د تلاشۍ پر مهال (۴۷) کیلو ګرامه چرس او (۱۵) کیلو ګرامه هیروئین ونیول.
د دې موادو د قاچاق او ساتلو په تور شپږ کسان هم نيول شوي دي.