په کابل کې نن د شپږیزه کرکټ لیګ پایلوبه کېږي
د افغانستان کرکټ بورډ ویلي چې دا سیالي به د کابل په وخت په ۱۱نیمو بجو پیل شي.
د شپږیزه لیګ په وروستۍ سیالۍ کې د وزیرزي مس عینک اتلانو ډله د پراګان بند امیر ښامارانو سره مخامخ کېږي.
د افغانستان کرکټ بورډ ویلي چې د الکوزي کولا شپږیزه پایلوبې ته ډېر خلک تلوسه لري.
د سیالیو په دې لړۍ کې پرون د بند امیر ښامارانو د کابل بازانو لوبډلې ته په ۳ منډو ماته ورکړه.
سیالۍ د تلې په پنځلسمه پیل شوې، په دې سیالیو کې د کرکټ شپږو لوبډلو ګډون درلود.